Аекспозициа шьаҭас иаиуит Европатәи аҳҭнықалақьқәа 13 рхақәиҭтәра иалахәыз афырхацәа рҭоурыхқәа.
2024 шықәса абҵарамзазы ихацыркхаз, уаанӡатәи СССР атәылақәа руааԥсыра злахәхаз аицлабра аихшьаалақәа рыла иалкаан 12-ҩык аиааира згази атематикатә викторинаҿы аиааира згази. Урҭ рфырхацәа рҭоурыхқәа шьаҭас ироуит 24 плакат, асахьа ҭихит Алексеи Криуков.
Аекспозициа ҷыдарас иамоуп уи аинтерактивтә формат. QR-код ахархәарала аҭааҩцәа ирылшоит асахьаҿы иарбоу 2500-ҩык асолдаҭцәа зегьы рҭоурых аилкаара, урҭ рыфронттә мҩеи рлахьынҵеи адырра.
Аекспозициа иалалеит Аԥснынтәи фҩык аветеранцәа рҭоурыхқәа: Ражден Лакоба, Шьаликәа Карчаа, Степан Баранов, Ардашес Мелетиан, Николаи Овсианников, Владимир Стрельников.
Апроект ӡырыргахьеит Урыстәыла арегионқәа 39 рҿы, иара убас Бишкеки Мински. Аԥсны ацәыргақәҵа аҵак ҷыда аанахәоит. Ажәларқәа ракзаара ашықәс азы уи анацизм иаҿагыланы еибашьуаз, азеиԥш иааираҿы злагала дуу Асовет Еидгыла ажәларқәа зегьы рхаҭарнакцәа рфырхаҵара аанарԥшуеит.
Ацәыргақәҵа еиҿнакааит аиҿкаара «Ԥсра зқәым Урыстәыла аполки» РОО «Аԥсны аибашьра аветеранцәа Рассоциациеи», аиҿкаара «Аԥсны ҿа» ацхыраарала.
Информационное Агентство "АПСНЫПРЕСС" (РГУ "АПСНЫМЕДИА")Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.